Mwanamuziki Suma Lee Akata Shauri Aamua Kuacha Mziki, Aagiza Nyimbo zake zifutwe na Redio Wasizipige Tena

Mwanamuziki Suma Lee Akata Shauri Aamua Kuacha Mziki, Aagiza Nyimbo zake zifutwe na Redio Wasizipige Tena

Hit maker wa ‘Hakunaga’, Suma Lee amesema kuwa hatafanya tena muziki kwasababu ameachana kabisa na maisha hayo na ameamua kusomea dini ya kiislam

Suma ambaye alitengeneza pesa nyingi kupitia hit yake ya ‘Hakunaga’, amesema kuwa hana mpango wa kuzitoa nyimbo zake zilizoko studio ambazo hazijatoka.

“sifanyi tena muziki na nimeachana kabisa na maisha hayo, na nyimbo zote zilizobaki studio nimezisimamisha zisitoke baada ya kuzilipia, “ Alisema Suma.

“kuna wimbo mmoja nimefanya na Cp ambao ndio ulikuwa wa kurudisha kundi la Parklane, pia nimeuzuia, labda Cp auchukue yeye.Kilichobaki ni kuwaombea wazazi wetu waliotutangulia, wengine walikuwa hawataki tufanye kazi hizi, kwa kuwa hawapo na hakuna wakutukataza tena, bora tukae na kuwaombea.”

Msichana Mtanzania Akamatwa kwa Ugaidi Kenya, Alikuwa Anaenda Kwenye Mafunzo ya Kujitoa Mhanga Somalia

Msichana Mtanzania Akamatwa kwa Ugaidi Kenya, Alikuwa Anaenda Kwenye Mafunzo ya Kujitoa Mhanga Somalia

Vyombo vya usalama nchini Kenya, vinawashikilia wasichana watatu akiwamo Mtanzania, kwa kile kunachodaiwa kutaka kujiunga na kundi la kigaidi la al-Shabaab huko Somalia.
Taarifa kutoka kwa Kamishna wa Polisi Jimbo la El -Wak, mpakani mwa Kenya na Somalia, Nelson Marwa amesema Mtanzania aliyekamatwa, alijieleza kuwa ni mwanafunzi wa Chuo Kikuu cha Kimataifa cha Afrika, Sudan.

Mtanzania huyo, Ummul-Khayr Sadir Abdul (19), mwenyeji wa Zanzibar, anatajwa kuwa kiongozi wa kundi hilo lililopanga kujiunga na al-Shabaab.
Wasichana wengine waliokamatwa pamoja na Ummul-Khayr, ni Maryam Said Aboud na Khadija Abubakar Abdulkadir wote raia wa Kenya.

“Hawa wasichana watatu, inaaminika kuwa walikuwa wanakwenda Somalia kupata mafunzo ya kigaidi na baadaye kufanya mashambulizi ya kujitoa mhanga,” alisema Kamishna Marwa.
Akizungumzia suala hilo, Kaimu Mkurugenzi wa Makosa ya Jinai, DCI Diwani Athumani alisema: “Tunafuatilia hatujapokea taarifa zaidi ya hizo.”
Kamishna Marwa alisema raia hao wawili wa Kenya, mmoja ni mwanafunzi wa Chuo Kikuu cha Mount Kenya kilichopo Thika, Jimbo Kiambu na mwingine ni mwanafunzi wa Sekondari ya Burhania, iliyopo Malindi, Kilifi.

“Serikali imepata taarifa kuhusu watu wanaokusanya watu kutoka Afrika Mashariki ili wakajiunge na makundi ya ugaidi nchini Somalia, wakala wetu wa usalama wamepata taarifa hizo na kufanikisha kukamatwa kwa wasichana hao,” alisema Kamishana Marwa.
Hivi karibuni, tovuti ya al-Jazeera ilitoa taarifa za kukamatwa kwa mkanda wa video ulioonyesha mwakilishi wa kundi la kigaidi la Dola ya Kiislamu ya Iraq na Levant (ISIL) akimtaka kiongozi wa kundi la al-Shabaab kuliimarisha kwa kufanya mashambulizi ya kigaidi katika miji ya Mwanza na Dar es Salaam.

Kamishna Marwa alisema ingawa nyaraka za wasichana hao zote zinaonyesha kuwa ni wanafunzi, lakini bado walibanwa kwa maswali kuhusu sababu inayowapeleka nchini Somalia.
Aliongeza zaidi kuwa chanzo cha habari cha kiusalama kilieleza kuwa nyaraka za wasichana hao zilionyesha kuwa walikuwa wakienda kuolewa na wanajeshi wa kundi la al-Shabaab.

Baada ya Mahojiano, Gwajima Aachiwa kwa Dhamana, Kwenye Hii Kesi Nani Mlalamikaji ?

Baada ya Mahojiano, Gwajima Aachiwa kwa Dhamana, Kwenye Hii Kesi Nani Mlalamikaji ?

Taarifa zimeenea kuwa baada ya Kutoka hospitalini Gwajima alikwenda moja kwa moja Kituo cha polisi Ostabey kwa ajili ya kumaliza mahojiano yake na Polisi kuhusu kumtukana Askofu Pengo...Baada ya mahojiano Askofu Gwajima Ameachiwa Huru kwa Dhamana....

Najiuliza kwa Sauti:
Katika Hili Sakata ni Nani Mlalamikaji ? Wakati kila mkubwa akijidai hausiki kwenye sakata hili
Je Pengo Amemshitaki ?

Ishu ya kupigana mabusu kwenye Headlines India!!

Oktoba mwaka jana chuo kikuu cha Zimbabwe kilipitisha sheria kupiga marufuku wanafunzi wa kike na wa kiume kutopigana mabusu katika mazingira ya chuo, kingine kilichozuiwa ni kukumbatiana na pia ishu ya wanafunzi wa kike au wa kiume kuingia kwenye Hostel za wanafunzi wengine wa jinsia tofauti na zao.

Safari hii kuna taarifa ambayo imeingia kwenye headlines India baada ya kupitishwa Sheria iliyowekwa na moja ya kijiji katika jimbo la Kusini Magharibi ya kupiga marufuku kupigana mabusu hadharani na tabia nyingine ambazo ni kinyume na maadili.

Uongozi wa kijiji hicho cha Salvador -de Mundo kilichopo Kaskazini mwa mji wa Panaji jimbo la Goa, imepitisha sheria hiyo huku ikiwaonya watu wanaotembelea eneo hilo dhidi ya vitendo kama hivyo.

Mmoja wa viongozi wa kijiji hicho Reena Fernandes alisema wameidhinisha sheria hiyo kutokana  na malalamiko kutoka kwa wakazi kuhusu wapenzi wanaopigana busu hadharani.

Nitaendelea kukupatia kila stori inayonifikia mtu wangu, niko tayari kukutumia wakati wowote kupitia Twitter,na Facebook ukijiunga na mimi kwa kubonyeza>>>twitter Facebook

Unatamani kuona kionjo cha VIDEO mpya ya Diamond Platnumz? Karibu hapa uicheki…

‘Nitampata Wapi‘ ni hit ya mkali anayeiwakilisha vizuri TZ kupitia muziki anaoufanya, Diamond Platnumz.. Jina lake sio geni kwa wapenzi wa muziki Afrika.
Ngoma yake hiyo aliyoitoa mara ya mwisho bado inafanya vizuri.. Wanigeria wanatoa ngoma mpya kila siku, Diamond anataka nae anataka kuwa kama wao?

Kupitia ukurasa wake wa Instagram ameamua kushare na sisi teaser ya video ya wimbo wake mpya unaoitwa ‘Nasema Nawe‘ ambao audio yake tayari iko mtaani na kuandika maneno; “Naombeni Ruksa zenu waungwana nianze Kuzifumua…“@diamondplatnumz

---

Soudy Brown amekutana na Diamond na Zari.. Swali la ujauzito limejibiwa? #UHeard

Leo Soudy Brown ana story mtu wangu, anasema jana MARCH 26 akiwa kwenye mizunguko yake alifika katika Hoteli moja Dar, akakutana na Diamond Platnumz akiwa na mpenzi wake Zari.

Wakati huo Diamond alikuwa anakula chakula lakini Zari hakuwa anakula.. katika mazungumzo yao Soudy alimuuliza Zari kwanini yeye hali, akamjibu kwamba ameshakula sana.

Swali jingine la Soudy lilikuwa ishu ya ujauzito, akamwambia kwamba watu hawaamini kama kweli ana ujauzito.. Zari akacheka na hakujibu chochote.

JUMUIYA YA WAFANYABIASHARA WILAYA YA RUNGWE WAFANYA MKUTANO .

JUMUIYA YA WAFANYABIASHARA WILAYA YA RUNGWE WAFANYA MKUTANO .

Katibu tawala wilayani Rungwe Moses Mashaka aliyemuwakirisha mkuu wa wilaya hiyo,Zainabu Rajabu akitoa majibu mbele ya wafanyabiashara kuwa ofisi yake haijapokea ongezeko la kodi wala punguzo,

Mwenyekiti wa Jumuiya hiyo ya Rungwe Abdul Fungo akifuatilia kwa makini mkutano huo.

Mwenyekiti wa Jumuiya ya wafanya Biashara Mkoa wa Mbeya Stephano Mwandiga akitoa ufafanuzi juu ya serikali kuwakandamiza  wafanya Biashara

Meneja wa TRA Wilaya ya Rungwe Poul Alalaze Akipitia sheria kabla ya kutoa majibu kwa wafanyabiashara.

Jumuiya ya Wafanyabiashara Wilayani Rungwe wakisikiliza Wageni na Viongozi waalikwa wakiwa katika mkutano uliofanyika jana

Hii ndiyo akiba ya ngoma za Beyonce zilizoko studio!!

Kama Beyonce akiamua kufanya albamu moja kila mwaka ambayo itakuwa na nyimbo 10 basi ana uwezo wa kukaa miaka 10 kuanzia sasa bila kutoa albamu nyingine yoyote.

Mbali na Beyonce kuna wanamuziki ambao walijiwekea akiba ya nyimbo zao lakini kwa sasa hawapo kama Michael Jackson ambaye kuna nyimbo zake mpaka sasa bado zinafanya vizuri na nyingine zikiwa bado hazijatoka licha ya wenyewe kutokuwepo.

Albamu yake ya mwisho ikiwa ni ya tano inaitwa ‘Beyonce’ na kwa mujibu wa mtayarishaji wake The dream amesema staa huyo ana nyimbo 100 ambazo mpaka sasa hajaamua kuziachia kwa mashabiki wake.

Nitaendelea kukupatia kila stori inayonifikia mtu wangu, niko tayari kukutumia wakati wowote kupitia Twitter,  na Facebook ukijiunga na mimi kwa kubonyeza>>>twitter Facebook

Aliota ndoto mpenzi wake kampiga kibao usingizini, hiki ndicho alichokiamua na yeye !!

Mwanamke mmoja nchini Nigeria anashikiliwa na Polisi kutokana na kosa la mauaji ya mtu ambaye alikuwa ni mpenzi wake.. kisa chote kilianzia kwenye ndoto !!

Mwanamke huyo Monsurat Yusuf alishtuka toka usingizini na kumsimulia mpenzi wake, Eric Moses kwamba ameota ndoto ambayo alihisi amepigwa na mpenzi wake huyo makofi akiwa usingizini.

Eric alicheka baada ya kusikia story hiyo lakini kumbe Monsurat hakupenda, akachukua kisu na kumchoma mpenzi wake huyo ambaye alifariki.

Upelelezi wa Polisi umeonesha wote wawili walikuwa ni wanafunzi na walikuwa wakiimba kwaya pia ya kanisa.

Nitaendelea kukupatia kila stori inayonifikia mtu wangu, niko tayari kukutumia wakati wowote kupitia Twitter,  na Facebook ukijiunga na mimi kwa kubonyeza>>>twitter Facebook

---

Kilichotokea chumba cha maiti wakati wa maandalizi ya mazishi..

Zimesikika story za watu kuzinduka wakiwa mochwari.. Huyu kapata fahamu kwenye mazingira ambayo yalisababisha mtu ambaye ana jukumu kufanya uangalizi wa maiti nae kupata matatizo mengine.

Mwanamke mmoja Ujerumani alipata fahamu akiwa ndani ya jeneza chumba cha kuhifadhia maiti, akaanza kujiburuza kutoka ndani ya jeneza, jamaa ambaye anasimamia chumba hicho cha kuhifadhi maiti akazimia baada ya kumuona.. alipozinduka mwanamke huyo akamuuliza; “kwani hapa niko wapi?”, jamaa huyo akapiga simu kuomba msaada wa ambulance.

Ambulance ilifika na kumchukua mwanamke huyo kumpeleka Hospitali ambapo siku ya pili yake akafariki tena wakati akipata matibabu.

Polisi wanachunguza juu ya ishu ya kilichofanya mwanamke huyo kuonekana amefariki kwa mara ya kwanza ambapo ndugu wa marehemu huyo walimkuta akiwa hana fahamu kitandani kwake.

Nitaendelea kukupatia kila stori inayonifikia mtu wangu, niko tayari kukutumia wakati wowote kupitia Twitter,  na Facebook ukijiunga na mimi kwa kubonyeza>>>twitter Facebook

Lowassa Amjibu Nape Nnauye.....Ahoji ni Kikao gani Cha Chama Kilichomtuma Kutoa Tamko??....Apokea Maandamano ya Vijana 60 Toka Mbeya Wakimtaka Agombee Urais

Lowassa Amjibu Nape Nnauye.....Ahoji ni Kikao gani Cha Chama Kilichomtuma Kutoa Tamko??....Apokea Maandamano ya Vijana 60 Toka Mbeya Wakimtaka Agombee Urais

SIKU  moja baada Katibu wa itikadi na Uenezi wa Chama cha Mapinduzi (CCM) Nape Nnauye kutoa kauli ya chama hicho kuhusu makundi yanayojitokeza kumshawishi waziri mkuu mstaafu Mhe Edward Lowassa kugombea urais, kuwa yanaweza kumkosesha sifa kiongozi huyo ya kuwania nafasi hiyo, Mh. Lowassa amejibu kauli hiyo na kudai anashangazwa nayo huku akihoji imetokana na maamuzi ya kikao gani ndani ya CCM.
 
Lowassa  amedai kuwa hana njia ya kuwazuia watu wasimuombe agombee Urais  na ametoa  ombi kwa wale wote ambao bado wana nia ya kumshawishi agombee nafasi hiyo ya urais, wasubiri kwanza hadi pale chama chake hicho kitakapotoa maelekezo.

 

Akizungumza na vijana 60 wa bodaboda kutoka wilaya ya Mbarali, Mbeya waliokwenda pia kumshawishi agombee nafasi hiyo, mjini Dodoma jana, alisema si vyema kwa maofisa wa chama kuzungumzia masuala ya wanachama wao kwenye vyombo vya habari wakati kuna vikao vya chama.

 

Alisema watu waliojitokeza na kumshawishi kuchukua fomu za kuwania nafasi hiyo ya Urais, hajawaita wala kuwalipa chochote kama inavyodaiwa na kwamba walikuwa wakifuata maneno ya Rais Jakaya Kikwete aliyoyatoa mkoani Ruvuma katika sherehe za maadhimisho ya miaka 38 ya Uhuru.

 

Alisema katika siku hiyo, Rais Kikwete aliwataka watanzania wawashawishi viongozi wanaoona wanafaa ili wajitokeze kugombea nafasi hiyo ya Urais.

 

“Mimi ni vigumu kuzuia mafuriko kwa mikono. Nazuia mafuriko kwa mikono, yanakuja mimi nayazuia kwa mikono, nitaweza kweli? Hawa watu sina hoja nao, sina cha kuwaambia,” alisema Lowasa.

 

Alisema tangu makundi hayo yaanze kujitokeza kumshawishi kuchukua fomu mambo mengi ya ajabu yamesemwa jambo ambalo linamsikitisha na kumshangaza kwa kuwa endapo kuna mtu wa chama mwenye hoja, ni vyema kuwasilisha kwenye vikao vya chama badala ya kuzungumza hadharani na kwenye vyombo vya habari.

 

Alisema mambo ya chama humalizwa kwenye vikao vya chama, ambapo majadiliano hufanyika na mwisho wa siku watu huelewana na kamwe mambo yanayohusu chama yahawezi kuzungumziwa kwenye vyombo vya habari., televisheni na redio jambo ambalo ni hatari sana.

 

“Niseme mawili tu yanayonisikitisha, wanasema mnakuja nimewaiteni ninawapa fedha, hela za kuwapa ninazitoa wapi? Mkija hapa nikiwawekea maturubai ni kosa, mkiwa na viti ni makosa na wanasema nawapikieni chakula, mambo ya ajabu sana,” alisema.

 

Alisema juzi vijana takribani 300 walimtembelea nyumbani kwake, na kushangaa ni namna ipi angeweza kuwapikia chakula vijana wote hao.

 

“Ni vibaya sana kumdhalilisha mwenzako kwamba maisha yake yote akili yake ni kufikiria tumbo, huyu hana cha kufikiria isipokuwa tumbo, kwa hiyo mnakuja hapa kwa sababu mnataka Lowasa awape chakula, ni kudhalilisha watu,” Alisema watu waliomtembelea walikwenda kwa utashi wao wenyewe, kwa gharama zao.

 

“Sijawaona, sijawatuma, ama mmeniona huko? Nimekuja kuwashawishi? Nimewahi kuja huko Mbarali kuwashawishi mje kwangu? Au nimewapeni hela leo mlipokuja hapa, hata soda zenyewe hamjanywa.”

 

Aliwataka wale ambao wanapanga kumshawishi waache kwanza hadi wapate maelekezo ya chama ili kuepusha migogoro kwenye chama hicho.

 

“Nina uhakika tutapata nafasi, jambo moja ninataka kuwapa matumaini ipo siku watanzania watapata uhuru wa kusema juu ya mtu, iko siku watapiga kura zao kusema kwa hiyo tungojee hiyo siku.
 
"Nina uhakika wapo watanzania wengi wanaonipenda kama walivyosema kwa kazi zangu, watapata nafasi ya kusema naam ama hapana, kwa hiyo huyo anayepiga kelele nyingi sijui nitoke chama sijui nifanye kitu gani angoje wanaCCM na watanzania waamue,” alisisitiza.

 

Alisema kitendo cha kufuatwa na makundi mbalimbali ya watanzania kumshawishi kuwania nafasi ya Urais, kinatokana na ukweli kuwa anaaminika na kupendwa kutokana na mambo mengi aliyoyafanya.

 

Kwa takribani wiki nzima sasa, Lowasa amekua akipokea makundi mbalimbali ya watu wakiwemo wazee wa CCM, mashehe kutoka Bagamoyo, wanafunzi wa Chuo Kikuu cha Dodoma (UDOM) na jana waendesha bodaboda kutoka Mbarali wakimtaka achukue fomu kuwania urais.

Edward Lowassa akisalimiana na Kamanda wa Vijana Wilaya ya Mbarali ambaye ni Mfanya Biashara, Ibrahim Ismail Mwakabwangas alipowasili eneo hilo na ujumbe wake.

Ibrahim Mwakabwangas akizungumza. 

Lowassa akipokea salama hizo.

Mwenyekiti wa Bodaboda Mbarali, Yahya Katagara akizungumza.

Kamanda wa Vijana Ibrahim Ismail Mwakabwangas akizungumza na makada wake.

Lowassa akiagana na ujumbe huo.

Wednesday, March 25, 2015

CWT yapasuka, Chama kipya cha Walimu chasajiliwa na Wanachama zaidi ya 9,000

 

---

CHAMA kipya cha Kutetea Haki na Maslahi ya Walimu Tanzania (CHAKAMWATA) kimesajiliwa rasmi na kupata cheti cha usajili wa kudumu kutoka Wizara ya Kazi na Ajira.


Akizungumza na FikraPevu, Katibu Mkuu wa Chakamwata, Mwalimu Meshack Kapange, anasema chama hicho kipya kinaundwa na walimu nchini waliojiondoa kutoka mikononi mwa Chama Cha Walimu Tanzania (CWT). Kapange amesema mchakato wake wa kukisajili chama hicho ulianza miaka minne iliyopita, hadi hivi juzi kilipopewa usajili wa kuendelea na shuhuli zake kisheria.


“Ni furaha iliyoje kupata usajili huu wa chama chetu cha kutetea haki na maslahi ya walimu? Huu ni ukombozi kwa walimu wanaokatwa asilimia mbili za mishahara yao bila kurejeshewa wanapostaafu,” anasema Katibu Mkuu huyo.


Kuundwa kwa chama kipya hicho kumetajwa na wachambuzi wa mambo kwamba kunaweza kuipasua CWT na pia kutahitimisha ukiritimba wa muda mrefu mrefu wa chama hicho. Aidha, chama hicho kitatoa fursa sasa kwa walimu nchini kuwa na hiyari ya kujiunga na chama ambacho wataona kina maslahi kwao badala ya ilivyo sasa ambapo walimu walikuwa hawana chaguo zaidi ya kujiunga na CWT.


Kwa mujibu wa Mwalimu Kapange, Makao Makuu ya sasa ya chama hicho yatakuwa Jijini Mbeya.

Anasema walimu watakaohitaji kujiunga na chama hicho kipya, watafanya hivyo kwa hiari yao kama sheria za kazi zinavyoelekeza tofauti na CWT ambayo kila mwalimu anayepata ajira serikalini alikuwa analazimishwa kujiunga na kuanza kukatwa fedha zake kutoka kwenye mshahara wake bila ridhaa yake na kinyume cha sheria za ajira.


“Kila mwanachama atachangia asilimia moja tu ya mshahara wake kwa kila mwezi badala ya asilimia mbili kama ilivyo kwa CWT. Wakati mwanachama anapostaafu, atapewa ‘bonus’ kama asante kwa kuchangia Chama,” anasema Mwalimu Kapange.


Mbali na hilo, Kapange anasema Chakamwata kitafanya jitihada za kuwajengea wanachama wake uwezo wa kutambua wajibu wao, haki zao na jinsi ya kuzidai, badala ya kutambua wajibu pekee kama ilivyo ndani ya CWT, kwa maelezo kwamba hakuna wajibu kwa mtumishi yeyote wa umma usiokwenda sambamba na haki yake.


“Tulipokuwa tukiomba usajili kwa mara ya kwanza Mei, 2012, tulikuwa wanachama 400 ingawa masharti ya kisheria ya kuanzisha vyama kama hivi yanataka wanachama 20 tu. Nashukuru kwamba hadi tunapata usajili huu, wanachama wetu wanafikia 9,743, wengi wao wakitokea mikoa ya Mbeya, Iringa, Njombe, Rukwa, Ruvuma, Arusha, Mara, Morogoro, Singida na Kagera,” amesema.


Chama kipya hicho, kabla hakijasajiliwa, kilikuwa kikijulikana kwa jina la Umoja wa Maofisa Elimu Tanzania (UMET). Hata hivyo, uongozi wa muda wa chama hicho ulikaa tena na kukipa chama hicho jina la Chakamwata. Chama hicho kimepewa usajili kwa namba 031, huku cheti chake kikiwa kimesainiwa na Msajili wa Vyama Huru vya Wafanyakazi na Waajiri nchini, Doroth Uiso.


FikraPevu inaendelea kumtafuta Rais wa CWT, Gratian Mukoba, pamoja na maoni ya walimu mbalimbali nchini, ili pamoja na mambo mengine, waweze kuelezea ujio wa chama kipya hicho cha walimu nchini na athari zake katika mstakabali wa mshikamano na utengamano wa walimu nchini katika siku za usoni.

KAULI YA TANESCO KUHUSU UMEME KUKATIKAKATIKA MARA KWA MARA

KAULI YA TANESCO KUHUSU UMEME KUKATIKAKATIKA MARA KWA MARA

Shirika la umeme nchni-Tanesco-limesema hakuna mgao wa umeme na kilichojitokeza kufuatia kukatika kwa umeme mara kwa mara kuanzia machi 15 ni uchakavu wa miundombinu ya umeme ikiwemo kuanguka kwa nguzo za umeme hususani katika maeneo ya makazi ya watu yasiyopimwa.

Akizungumza na waandishi wa habari, baada ya baadhi ya maeneo ya jiji la Dar es Salaam na vitongoji vyake kukosa umeme kwa wakati tofauti kuanzania machi 15 hadi 18 mwaka huu, meneja wa kanda wa Tanesco, mhandishi Mahenge Mugaya amesema changamoto kubwa inayoikabili Tanesco ni uchakavu wa nguzo na nyaya za kusafirisha umeme ambapo katika baadhi ya maeneo yasiyopimwa kumekuwa na tatizo la magari kugonga nguzo na umeme hali inayosababisha mitambo ya shirika hilo kukata umeme ili kuzuia madhara kwa jamii.

 

Aidha amesema shirika la umeme nchni limetenga bajeti ya shilingi bilioni 10 katika mpango wa miaka mitatu wa kuimarisha umeme katika jiji la Dar es Salaam, mpango utakaowezesha kuondoa nguzo mbovu, miti iliyokatika njia za umeme na kuimarisha vituo vidogo vya kusambaza umeme na kusisitiza shirika hilo limeshafanya tathimini ya nguzo mbaovu zote katika njia za umeme na kuandaa mpango kazi ili kuwa na mfumo mzuri wa usambazaji umeme.

 

 

 

---

Taarifa nyingine kubwa ni hii ajali ya ndege iliyotokea Ufaransa…

Matukio makubwa ya ajali za ndege ambayo yametokea hivi karibuni na kuingia kwenye headlines ni pamoja na ile ya Malasia Airlines iliyotokea mwaka 2014 ambayo ilipotea na mpaka sasa haijapatikana,na ajali nyingine ni ya Trans Asia ambayo ilipata ajali kutokana na hali mbaya ya hewa na kuua watu wote

Kuna hii nyingine iliyotokea saa chache zilizopita imeripotiwa kuwa ndege ya abiria inayomilikiwa na shirika la ndege la Germanwing Airbus A320 imeanguka katika milima ya Alps nchini Ufaransa.

Ndege hiyo ilikuwa imewabeba abiria 150 wakiwemo wahudumu 6 wa ndege walikuwa wakitokea katika mji wa Barcelona Uhispania kuelekea Duesseldorf, Ujerumani

Rais wa Ufaransa Francois Hollande amesema kutokana na ajali ya ndege hiyo ambayo mpaka sasa bado inaendelea kuchunguzwa kuna uwezekano mkubwa hakuna mtu yoyote anayeweza kupona ingawa bado taarifa haijatolewa rasmi.

Nitaendelea kukupatia kila stori inayonifikia mtu wangu, niko tayari kukutumia wakati wowote kupitia Twitter, Instagram na Facebook ukijiunga na mimi kwa kubonyeza>>>

Watu 6 Wafariki Dunia Usiku Wa Kuamkia Leo baada ya Magari Manne Kugongana Huko Nzega.....Hapa kuna Picha 10 Toka Eneo la Ajali

Watu 6 Wafariki Dunia Usiku Wa Kuamkia Leo baada ya Magari Manne Kugongana Huko Nzega.....Hapa kuna Picha 10 Toka Eneo la Ajali

Watu 6 wamefariki  dunia  na  wengine  9 kujeruhiwa  vibaya  katika  ajali  mbaya   iliyohusisha  magari  manne  huko Undomo wilayani Nzega  usiku  wa  kuamika  leo.

Sunday, March 22, 2015

Maamuzi ya Mahakama kuhusu kesi inayomkabili Chris Brown!!

Baada ya kutumikia kifungo cha miaka sita akihukumiwa kwa kosa la kumpiga aliyekuwa girlfriend wake Rihanna, kuna maamuzi ambayo mahakama ya Los Angeles imetoa kuhusiana na hitmaker wa nyimbo ya ‘New flame‘ Chris Brown.

Ni miaka sita tangu mwanamuzi Rihanna amshtaki Chris Brown kwa kosa la kumpiga na kutumikia adhabu hiyo ambayo alikuwa katika kipindi cha majaribio na sasa yuko huru baada ya kesi yake kumalizika.

Katika kuonyesha furaha yake Chris Brown baada ya kutoka mahakamani hapo aliandika kwenye ukurasa wake wa Twitter kuwa anamshukuru  Mungu kwa kuwa yupo huru.

“IM OFF PROBATION!!!!!!!! Thank the Lord!!!!!!”

Zitto ajiunga rasmi na Chama cha ACT-Tanzania, akabidhiwa kadi namba 007194

Mh. Zitto Kabwe akilipa kwa ajili ya usajili wa kadi ya uanachama wa ACT.

...Kumwaga ‘mboga’ mbele ya wandishi wa Habari Jumapili hii Machi 22

Na Andrew Chale wa Modewji blog

Hayawi hayawi…Sasa yamekuwa licha ya kusemwa sana kwa muda mrefu juu ya kuhusishwa na chama kipya cha siasa cha ACT-Tanzania dhidi ya aliyekuwa Mbunge wa Kigoma Kaskazini Zitto Ruyagwa Kabwe sasa yamekuwa kweli kwa Mbunge huyo baada ya leo Jumamosi ya Machi 21, kupokelewa rasmi na chama hicho na kukabidhiwa kadi yake yenye namba 007194.

Hii  inafuatia siku moja baada ya Zitto kutangaza kuachia ubunge na kuandika barua rasmi ambapo sasa amekuwa mwanachama wa ACT-Tanzania na kuahidi kuendeleza mapambano ndani ya chama hicho.

Mh. Zitto Kabwe akisaini kadi ya uanachama wa ACT.

Hata hivyo, kwa mujibu wa viongozi waandamizi wa ACT-Tanzania wamedokeza kuwa, Zitto ataongea na vyombo vya habari Jumapili ya Machi 22.

Endelea kufuatilia EDDY BLOG kwa tukio hilo tutakalowaletea kila kitakachojiri katika mkutano huo, kujua ni wapi na muda gani  endelea kuperuzi nasi.

ACT-Tanzania: kirefu chake ni :  Chama cha Alliance for Change and Transparence (ACT-Tanzania). Makao makuu ya chama hicho yapo Kijitonyama Jijini Dar es Salaam, Tanzania.

Mh. Zitto Kabwe akikabidhiwa rasmi kadi ya uanachama wa ACT.

Mwanachama rasmi wa ACT Mh. Zitto Kabwe akipokea kadi hiyo.

“He..he he mnipokeee sasa kwa mikono miwili….:, Mh. Zitto Kabwe akionyesha kadi hiyo kwa baadhi ya wanachama waliosimama (hawapo pichani) nje ya ofisi za chama cha ACT tawi la Tegeta,

Mh. Zitto Kabwe akibadilishana mawazo na viongozi wa Chama cha ACT mara baada ya kupokea kadi hiyo.

Mh. Zitto Kabwe akiwa amefuatana na Prof. Kitila Mkumbo ambaye pia ni mwanachama wa ACT.

Mh. Zitto Kabwe akivalishwa skafu ya ACT mara baada ya kupokea rasmi kadi ya chama hicho mapema JANA.

Na hii ndio kadi rasmi ya Mheshimiwa Zitto Kabwe aliyokabidhiwa.

Saturday, March 21, 2015

NEWS ALERT: NYUMBA ILIYOPO NDANI YA MSIKITI SOWETO YATEKETEA YOTE KWA MOTO MAPEMA LEO.

Jengo lililopo ndani ya Msikiti wa Soweto Limeteketea kwa moto Mapema leo chanzo hakijafahamika bado Moto huo umeteketeza nyumba yote, japo kuwa wananchi na waumini walijitahidi kuzima lakini ulionekana ni mkubwa sana, Hata hivyo wananchi wamelaumu Kikosi cha zimamoto kwa kuwa walipewa taarifa mapema lakini hawakuweza kufika kwa muda katika eneo hilo. Endelea kufuatilia tukio hili hapa kwa taarifa zaidi.